Agasallos

Información generál

Agasallo.eu é unha plataforma en liña que compila, difunde, dá a coñecer e recomenda agasallos en galego de diverso tipo, para todas as idades e para todo tipo de acontecementos e épocas do ano: libros, música, audiovisual, xogos, tecnoloxía, téxtil, experiencias, alimentación e outros.

Con Agasallo.eu preténdese visibilizar e dar a coñecer entre o conxunto da cidadanía as creacións, os produtos e os servizos de todo tipo que usan o galego; que a cidadanía coñeza que se poden regalar produtos na nosa lingua de todo tipo e para todas as idades; incentivar a regalar películas, camisolas, discos, libros, aparellos electrónicos, xogos, artesanía, experiencias, produtos alimentarios, etc., en galego; incentivar que os comercios teñan unha maior oferta de produtos de agasallo na nosa lingua; promocionar e apoiar as empresas e as creacións culturais propias: música, literatura, cinema, novas tecnoloxías, etc.; e, en definitiva, promover que se escollan agasallos en galego para todo tipo de persoas e para todas as idades en aniversarios, celebracións, día da nai e do pai, día do libro, Nadal, día d@s namorad@s, día das letras galegas, nacementos, convites, casamentos, agradecementos, etc.

Agasallo.eu está impulsada pola Coordinadora de Traballadores/as de Normalización da Lingua (CTNL) que, para o seu desenvolvemento, contou con colaboración económica da Secretaría Xeral de Política Lingüística da Xunta de Galicia, e mantense e difúndese coa achega económica das empresas que participan incluíndo as súas propostas.