Crearte

Información generál

Crearte Servizos Culturais naceu no inverno de 2002, cando un 50% da empresa retornaba á Coruña tras unha longa estancia na cidade dos rañaceos e atopaba ao outro 50% entre barro, madeira e pintura no seu taller de artista. Entón case ninguén sabía que máis importante que encher os museos de visitantes, era axudar a mirar, dialogar e crear un significado propio ante unha obra de arte, pero nós si! Por iso fomos pioneiros en montar unha empresa nesta latitude que dera servizo aos seus clientes buscando a diversión, o goce e o enriquecemento do público e a divulgación do patrimonio, propio ou acollido, cun derroche de calidade, creatividade e ilusión. Co paso dos anos e dos proxectos fomos crecendo en sabedoría, clientes, produtos e humildade e agora producimos, xestionamos e distribuímos produtos culturais que abranguen os campos das artes plásticas e visuais, a educación, a música, a literatura, as ciencias e o patrimonio. Se queres coñecernos mellor só tes que facerte fan: somos dos que lles gusta compartir.