ANPA Ponte Dos Brozos

Información generál

A Asociación de Nais e Pais do CEIP Ponte dos Brozos constituíuse como tal no ano 1978. Dende entón ate agora, miles de familias participaron nas súas actividades e foron usuarios dos servizos que á ANPA asumiu.

Calquera nai, pai ou titor legal dun neno ou nena escolarizado no CEIP, pode solicitar a inscrición como familia socia, que se renova cada curso, en calquera momento do ano.

Calquera socio/a da ANPA ten o dereito de participar nas actividades da Asociación e de formar parte dos órganos de dirección, segundo o indicando nos Estatutos e no Regulamento Electoral.

Para ser usuarios dos servizos organizados pola ANPA, é indispensable ser socio/a numerario, e cada servizo ten unhas condicións específicas indicadas nos documentos de inscrición.

Os servizos de conciliación xestionados pola ANPA, intégranse no sistema escolar, cumpren unha función social, e tamén participan na formación e educación dos nenos e nenas, especialmente no que atinxe a condutas e hábitos.

Tanto para darse de alta como familia socia como para solicitar o uso dos servizos de conciliación establecerase un período especial antes do inicio de cada curso, coa pertinente indicación de condicións e prazos.

As ANPAS son por definición as organizacións colectivas de representación dos intereses das familias no entorno educativo, promoven a mellora do ensino na súa totalidade, colaboran con entidades e organismos no desenvolvemento das súas funcións, e serven de ponte para a comunicación e a resolución de conflitos no eido educativo.

Se tes interese en ter máis información sobre nós, visítanos no blog ou ponte en contacto por calquera das canles ao pe de páxina.

ANPA PONTE DOS BROZOS ·APDO 70 · 15142 ARTEIXO (A Coruña) www.anpapontedosbrozos.org info@anpapontedosbrozos.org 653 297 047